Thursday, 21 February 2013 15:53

တယ်ရိုဆာဆနာ အသင်း ရတနာပုံ အသင်းနှင့် စတင် ခြေစမ်းမည်

Written by
Rate this item
(0 votes)

ရန်ကုန် ဖေဖော်ဝါရီ ၁၁

MNL ကလပ် အသင်းများနှင့် ခြေစမ်း ကစားရန် အတွက် ထိုင်း ပရီးမီးယားလိဂ် ကလပ် ဘီအီးစီ တယ်ရို ဆာဆနာ အသင်းသည် ယမန်နေ့ နံနက်ပိုင်းက ထိုင်းနိုင်ငံမှ မန္တလေး အပြည်ပြည် ဆိုင်ရာ လေ ဆိပ်သို့ လေကြောင်း ခရီးဖြင့် ရောက်ရှိ လာသည်။

တယ်ရိုဆာဆနာ အသင်းသည် မန္တလေး မြို့ခံ အသင်းဖြစ်သည့် ရတနာပုံ အသင်း နှင့် ဖေဖော်ဝါရီ ၁၂ ရက်တွင် ဗထူး ကွင်း၌ စတင်ကစား မည်ဖြစ်သော ကြောင့် မန္တလေးမြို့သို့ တိုက်ရိုက် လာရောက် ခဲ့ခြင်း ဖြစ်သည်။

အဆိုပါ အသင်းတွင် အုပ်ချုပ်/နည်း ပြ ၁၅ ဦး၊ ကစားသမား ၂၄ ဦးဖြင့် စုစုပေါင်း ၃၉ ဦး လိုက်ပါ လာသည်။ ဆက်လက်၍ ဘီအီးစီ တယ်ရိုဆာဆနာ အသင်း သည် ဖေဖော်ဝါရီ ၁၄ ရက်တွင် သုဝဏ္ဏကွင်း၌ ဧရာဝတီ ယူနိုက်တက် အသင်း၊ ဖေဖော်ဝါရီ ၁၆ ရက်တွင် သုဝဏ္ဏကွင်း ၌ ရန်ကုန် ယူနိုက်တက် အသင်းတို့နှင့် ခြေစမ်း ကစားမည် ဖြစ်သည်။

တယ်ရိုဆာဆနာ အသင်းသည် ၂ဝ၁၂ ခုနှစ် နှစ်ဆန်းပိုင်းက လာရောက် ကစားခဲ့သော ခြေစမ်းပွဲ များတွင် ဧရာဝတီ၊ ရတနာပုံနှင့် ရန်ကုန်တို့ သုံးသင်း စလုံးကို အနိုင် ကစားထားသည်။ ထိုင်း ပရီးမီးယားလိဂ် ကလပ် ဘီအီးစီတယ်ရို ဆာဆနာ အသင်းနှင့် ခြေစမ်းပွဲတွင် MNL ကလပ် အသင်း များ၌ AFC Challenge Cup ခြေစမ်းပွဲ အတွက် ရွေးချယ် ထားသည့် မြန်မာ့ လက်ရွေးစင် ကစားသမား များကို ပါဝင် ကစား ခွင့်ပြုမည် မဟုတ်ကြောင်း သိရသည်။

Read 2641 times Last modified on Friday, 01 March 2013 14:08
You are here:   HomeSportsMyanmarတယ်ရိုဆာဆနာ အသင်း ရတနာပုံ အသင်းနှင့် စတင် ခြေစမ်းမည်