Thursday, 21 February 2013 15:45

ဟင်္သာတ မြို့နယ်၌ ပညာရတနာ ကျောင်းဆောင်သစ် ဖွင့်ပွဲ ကျင်းပ

Written by
Rate this item
(0 votes)

ဖေဖော်ဝါရီ ၁၇ ရက် နံနက် ၈ နာရီက ဧရာဝတီတိုင်း ဒေသကြီး ဝန်ကြီးချုပ် ဦးသိန်းအောင်သည် ဟင်္သာတ မြို့ လောကဥသျှောင် ရှင်သာလျောင်း ဘုရားကြီးအား သွားရောက် ဖူးမြော် ကြည်ညို၍ ပန်း၊ ဆီမီး၊ ရေချမ်း များ ဆက်ကပ် လှူဒါန်းပြီး အလှူငွေ ကျပ်တစ်သိန်း ပေးအပ် လှူဒါန်းသည်။

ယင်းနောက် ရွာသစ် (တောင်) အခြေခံ ပညာ အလယ်တန်းကျောင်း ပညာရတနာ ကျောင်းဆောင်သစ် ဖွင့်ပွဲ အခမ်း အနားသို့ တက်ရောက်ရာ တိုင်းဒေသကြီး စီမံကိန်းနှင့် စီးပွားရေး ဝန်ကြီး ဦးလှခိုင်၊ လူမှုရေး ဝန်ကြီး ဒေါ်ခင်စောမူနှင့် တိုင်းဒေသကြီး ပညာရေး ညွှန်ကြားရေးမှူး တို့က ကျောင်းဆောင်သစ်ကို ဖဲကြိုးဖြတ် ဖွင့်လှစ် ပေးကြပြီး တိုင်းဒေသကြီး ဝန်ကြီးချုပ်က ကမ္ပည်းမော်ကွန်း ကျောက်စာအား စက်ခလုတ်နှိပ် ဖွင့်လှစ် ပေးကာ အမွှေး နံ့သာရည် ပက်ဖျန်း ပေးကြသည်။

ထို့နောက် တိုင်းဒေသကြီး ဝန်ကြီးချုပ်သည် လယ်တီ ကျေးရွာ အုပ်စု စစ်ပင်ကွင်း၌ သဘာဝ ဘေးအန္တရာယ် စီမံခန့်ခွဲရေး သင်တန်းကျောင်း ဆောက်လုပ်မည့် နေရာကို ကြည့်ရှု စစ်ဆေးပြီး ဟင်္သာတမြို့ ပျဉ်းမချောင်း ရပ်ကွက် ကြာခံကျောင်းတိုက် အခမဲ့ ဆေးကုခန်း၌ ဆေးဝါး ကုသမှု ခံယူနေသူ များအား ကြည့်ရှု အားပေး ကာ အလှူငွေများ ပေးအပ် လှူဒါန်းသည်။ ယင်းနောက် ဟင်္သာတမြို့ မြစ်ကမ်းပြို ထိန်းသိမ်းရေး လုပ်ငန်း ဆောင်ရွက် ထားမှု၊ ပြည်သူ့ ဆေးရုံနှင့် နတ်မော် ကျေးရွာ အုပ်စု နတ်မော်ကွင်း၌ သဘာဝ ဘေး အန္တရာယ် စီမံ ခန့်ခွဲရေး သင်တန်းကျောင်း ဆောက်လုပ်မည့် နေရာတို့ကို ကြည့်ရှု စစ်ဆေး ခဲ့ကြောင်း သိရသည်။

နေပြည်တော် ဖေဖော်ဝါရီ ၂ဝ

 

Read 2489 times Last modified on Friday, 01 March 2013 14:07
You are here:   HomeALL NewsLocal Newsဟင်္သာတ မြို့နယ်၌ ပညာရတနာ ကျောင်းဆောင်သစ် ဖွင့်ပွဲ ကျင်းပ